جديد النكت المغربية

هادا واحد الراجل كان غادي ف الصحرا، راكب حمار ومعاه كلب
وهوما ف الطريق، هدر الحمار وقال للراجل: واش مازال الطريق بعيدة؟
الراجل تصدم وشداتو الخلعة، أو! حمار كيهدر؟ هي مسكون!
ناض الراجل يجري يجري يجري يجري وتابعو كلبو
ملي عيى وهو يوقف.
وتما قال ليه الكلب: وايني خلعة خلعنا هاداك الحمار
....................................
شي وحدين جالسين كايتكيفو.
داز حداهم واحد الشيباني، قال ليهم: حرام عليكم
قالو ليه: وعليكم الحرام
....................................
هادا واحد قرر ينتحر، وهو يطلع فوق باطيمة
مللي شاف التحت بانت ليه جوقة ديال الناس تحت لباطيمة
وهو نيت ينزل يشوف أشنو واقع

....................................
واحد الطلاب طلع للطوبيس و ما دور معاه حتى واحد. ناض واحد السيد عطاه شي بركة، قال ليه الطلاب: الله يجعلك من الذين آمنوا
مللي شاف لقى ربعة د ريال، و زاد له ف الدعوة: الله يجعلك من الذين آمنوا ثم كفروا
....................................
واحد الشيباني قال لصاحبو: في أيامات الشباب، كانوا العيالات يجريو يتبعوني
قال ليه صاحبو: ودابا؟
قال ليه الشيباني: لا دابا صافي، عفى عليا الله من الشفرة ديال السيكان
....................................
هادا واحد الراجل شرى حولي قبل من العيد بعام وولفو عليه مالين دار. مللي قرب العيد مشى الحولي عند الراجل وقال ليه: بابا امتى غتجيب الحولي؟
....................................
هادا واحد الولد جالس ف بلاكة الطوبيس كيكمي وحداه مرا شارفة
المرا عيات مسكينة من الدخان وقالت ليه: شوف أولدي، واش ف راسك نتا اللي كتكمي كتدي عشرين بالمية من النيكوتين وأنا اللي كنشم الدخان كندي تمانين بالمية؟
الولد بقى يشوف فيها، شوية وهو يمد ليها ڭارو وقال ليها: الحاجة، خودي نتي عشرين بالمية وعطيني أنا تمانين بالمية
....................................
أتمنى أن تعجبكم هذه النكت الجديدة